पहिलो लोक गायन रियालिटी शो ‘नेपाल लोक स्टार’ को उपाधि शनि विश्वकर्माले जितेका छन्। शुक्रबार भृकुटीमण्डपमा सम्पन्न ग्राण्ड फिनालेमा रोल्पाका विश्वकर्मालाई उपाधि प्रदान गरिएको हो ।
बिजेता बने संगै विश्वकर्माले ५० लाख रुपैयाँको पुरस्कार र २५ लाख रुपैयाँ बराबरकाे जीवन बीमा पनि प्राप्त गरेका छन् ।
त्यस्तै स्याङ्जाका चेतन गोतामे दोस्रो बनेका छन् । उनले २५ लाख रुपैयाँ पुरस्कार र १५ लाख बराबरकाे जीवन बीमा प्राप्त गरेका छन् । उदयपुरका विनोद दनुवारले तेस्रो बन्दै १० लाख रुपैयाँ नगद पुरस्कार र १० लाख रुपैयाँ बराबरको जीवन बीमा प्राप्त गरे । रामकुमार नेपालीले इलेक्ट्रिफाइङ्ग पर्फर्मेन्स अवार्ड हात पार्दै लिट्मस केबलको तर्फबाट २ लाख रुपैयाँ पाएका छन्।
फिनालेमा रामेछापका रामकुमार नेपाली , रोल्पाका शनि विश्वकर्मा, स्याङ्जाका चेतन गोतामे र उदयपुरका बिनोद दनुवारबीच प्रतिस्पर्धा भएको थियो । स्रोता तथा दर्शकले गरेको भोटको आधारमा विजेता घोषणा गरिएको आयोजकले जनाएको छ ।
यो पनि :