डेनमार्कका खेलाडी क्रिस्टियन एरिकसन मैदानमै ढलेपछि रोकिएको डेनमार्क र फिनफ्याल्डबीचको खेल आज नै सुरु हुने भएको छ । खेल नेपाली समय अनुसार १२:१५ बजे सुरु हुने छ ।
सुरुमा पहिलो हाफको बाँकि ५ मिनेट खेलेर ५ मिनेट ब्रेक हुनेछ । त्यस पछि दोस्रो हाफ सुरु हुने छ ।
युएफाका अनुसार मैदानमै ढलेका एरिकसनको अवस्था स्थिर छ र अस्पतालमा उपचार भईरहेको छ । बेल्जियम र रसियाको खेल पनि निर्धारित समय मै हुने छ ।
यस अघि :
हिजो शुक्रबारबाट सुरु भएको युरो कप २०२० अन्तर्गत समूह ए को दोस्रो खेलमा डेनमार्कका खेलाडी क्रिस्टियन एरिकसन मैदानमै ढलेका छन् । फिनल्यान्डविरुद्ध खेलिरहेका डेनमार्कका खेलाडी एरिकसन मैदानमै ढलेपछि खेल स्थगित भएको छ ।
न्यूयोर्क टाइम्सका अनुसार एरिकसन हुरिएर ढलेपछि ‘अन्मुभ्ड’ भएका थिए । लगत्तै मेडिकल टोलीले मैदानमा डेनमार्कका खेलाडीले घेरेर उपचार गरेर अहिले उनलाई डगआउटमा ल्याएर पुनः उपचार गरिँदैछ । एरिक्सनको मैदानमै १५ मिनेट बढी समय उपचार गरेपछि मैदान बाहिर लागिएको छ । उनको मैदानमै कार्डियोपल्मोनरी रेसुससिटेसन (सिपिआर) गरिएको न्युयोर्क टाइम्ले लेखेको छ ।