घट्यो सुनको भाउ, चाँदीको स्थिर

साताको पाँचौ दिन आज विहिबार सुनको भाउ २ सयले घटेको छ भने चाँदीको भाउ स्थिर रहेको छ । बुधबार प्रति तोला ५८ हजार ८ सय रुपैयाँमा कारोबार भएको छापावाला सुन आज २ सयले घटेर ५८ हजार ६ सय रुपैयाँमा कारोबार भैरहेको छ । बुधबार प्रति तोला ५८ हजार ५ सयमा कारोबार भएको तेजावी सुन आज प्रति तोला ५८ हजार ३ सय रुपैयाँमा कारोबार भैरहेको छ । चाँदी भने हिजोकै मूल्य प्रति तोला ७ सय ६५ रुपैयाँमा कारोबार भैरहेको छ । 

नेपाल सुनचाँदी व्यवसायी महासंघले १० ग्राम छापावाला सुनको मूल्य ५० हजार २ सय ४० रुपैयाँ तोकेको छ भने तेजावी सुन १० ग्राम बराबर ४९ हजार ९ सय ८५ रुपैयाँ तोकेको छ । यसैगरी चाँदी १० ग्राम बराबर ६ सय ५६ रुपैयाँ तोकेको छ ।