आज शुक्रबार सुनको भाउ घटेको छ । बिहिबार तोलाको १ लाख ३ सय रुपैयाँमा कारोबार भएको छापावाला सुनको भाउ आज तोलामा ४ सय रुपैयाँले घटेर प्रतितोला ९९ हजार ९ सय रुपैयाँमा आइपुगेको छ ।
त्यस्तै आज तेजाबी सुनको भाउ पनि प्रतितोला ४ सय रुपैयाँले नै घटेर ९९ हजार ४ सय रुपैयाँमा कारोबार भइरहेको छ ।
आज चाँदीको भाउ प्रतितोला १० रुपैयाँले घटेर १ हजार ३ सय ७० रुपैयाँमा किनबेच भइरहेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ८५ हजार ६ सय ५० रुपैयाँ, प्रति १० ग्राम तेजाबी सुनको मूल्य ८५ हजार २ सय २० रुपैयाँ र प्रति १० ग्राम चाँदीको मूल्य १ हजार १ सय ७४ रुपैयाँ ५० पैसा कायम गरेको छ ।
