बिहीबार सुनको मुल्यले फेरि नयाँ रेकर्ड कायम गरेको छ । पछिल्ला दिनमा लगातार बढेको सुन हालसम्मकै उच्च बिन्दुमा पुगेको हो ।
बुधबार प्रतितोला १ लाख १३ हजार २ सय रुपैयाँमा कारोबार भएको छापावाल सुनको मुल्य आज तोलामा ५ सय रुपैयाँले बढेर १ लाख १३ हजार ७ सय रुपैयाँमा कारोबार भएको छ । यसअघि गत साउन ४ गते सुन प्रतितोला १ लाख १३ हजार ६ सय रुपैयाँमा कारोबार भएको थियो ।
त्यस्तै तेजावी सुनको मुल्य पनि आज तोलामा ५ सय रुपैयाँले बढेर १ लाख १३ हजार १ सय ५० रुपैयाँमा कारोबार भएको छ । चाँदीको मुल्य तोलामा १५ रुपैयाँले घटेर प्रतितोला १ हजार ३ सय ९५ रुपैयाँमा कारोबार भइरहेको छ ।
नेपाल सुनचाँदी व्यवसायी महासंघले आज प्रति १० ग्राम छापावाल सुनको भाउ ९७ हजार ४ सय ८० रुपैयाँ, १० ग्राम तेजावी सुनको मुल्य ९७ हजार १० रुपैयाँ र प्रति १० ग्राम चाँदीको मुल्य १ हजार १ सय ९६ रुपैयाँ कायम गरेको छ ।