आज मगंलबार पनि सुनको भाउ घटेको छ । सोमबार प्रतितोला एक लाख १७ हजार रुपैयाँमा कारोबार भएको छापावाला सुनको मूल्य आज तोलामा ७ सय घटेको हो ।
यसदिन छापावाला सुन प्रतितोला एक लाख १६ हजार ३०० रुपैयाँमा कारोबार भइरहेको छ । त्यस्तै तेजावी सुन तोलामा १ लाख १५ हजार ७५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
यता, चाँदीको मूल्य आज स्थिर छ । आज चाँदी प्रतितोला १ हजार ४ सय १० रुपैयाँमा कारोबार भइरहेको छ ।
नेपाल सुनचाँदी व्यवसायी महासंघले प्रति १० ग्राम छापावाल सुनको मूल्य ९९ हजार ७१० रुपैयाँ, प्रति १० ग्राम तेजावी सुनको मूल्य ९९ हजार २४० र प्रति १० ग्राम चाँदीको मूल्य १२ सय ९ रुपैयाँ तोकेको छ।
