खाने तेलको मूल्य घटेको छ । रुस र युक्रेनबीचको युद्धका त्यहाँबाट आयात हुने ‘कमोडिटिज’को आयात प्रभावित हुँदा ह्वात्तै बढेको खाने तेलको भाउ अहिले घट्न थालेको हो ।
यसअघि खाने तेलको मूल्य प्रति कार्टुन ३ हजार रुपैयाँभन्दा माथि पुगेको थियो । अहिले प्रति कार्टुन २ हजार रुपैयाँभन्दा तल आइपुगेको छ ।
त्यसो त, बजारमा माग पनि अस्वभाविक रुपमा घटेको छ ।
तोरीको तेलको मूल्य ब्राण्डअनुसार प्रतिलिटर ११० रुपैयाँसम्म घटेको छ ।
सूर्यमुखी तेलको भाउ प्रतिलिटर १९५ रुपैयाँमा झरेको छ । भटमासको तेलको भाउ र १९० रुपैयाँ छ ।
मूल्य घटिरहेको भएपनि बजारमा माग घट्दा उद्योगहरुले भने उत्पादन कटौती थालेका छन् । उद्योगहरु अहिले आफ्नो क्षमताको २० प्रतिशत क्षमतामा चलिरहेको उद्योगीहरु बताउँछन् ।
