युवा स्वरोजगार कोष र आरएसडिसी लघुवित्तबीच सम्झौता भएको छ ।
विगत एक दशक भन्दा अघिदेखी वेरोजगार युवाहरुलाई स्वरोजगार मूलक व्यावसायिक परियोजना सञ्चालनको लागि वित्तिय सहयोग गर्दै आएको युवा तथा साना व्यवसायी स्वरोजगार कोष र आरएसडिसी लघुवित्तबीच सम्झौता भएको हो ।
कोषका कार्यकारी निर्देशक विश्वमोहन अधिकारी र आरएसडिसी लघुवित्त वित्तीय संस्थाका प्रमुख कार्यकारी अधिकृत ध्रुव कुमार पौडलले बैशाख ८ गते एक समझदारी पत्रमा हस्ताक्षर गरेका छन् ।
हस्ताक्षरको क्रममा आरएसडिसी लघुवित्त वित्तीय संस्थाका प्रमुख कार्यकारी अधिकृत ध्रुव कुमार पौडेलले वित्तीय संस्थाले सहकारी संस्थाहरु मार्फत थोक कर्जा प्रवाह गरि रोजगारी सृजना गर्न सघाउ पुग्ने धारणा राखेका छन् ।
कोषले निर्धारण गरेको लक्षित वर्गका वेरोजगार युवाहरु तथा विदेशबाट सीप आर्जन गरेर स्वदेश फर्केका निम्न वर्गिय परिवारका युवाहरुलाई स्वरोजगार बनाई आत्मनिर्भर अर्थतन्त्र बनाउन यस सम्झौताले सघाउ पु¥याउने कोषका कार्यकारी निर्देशक विश्वमोहन अधिकारीले जानकारी गराए ।
