एनएमबि क्यापिटल लिमिटेडले संस्थागत सामाजिक उत्तर दायित्वअन्तर्गत लगानीसम्बन्धी जनचेतनामूलक र अन्तरक्रिया कार्यक्रम गरेको छ। क्यापिटलले मङ्सिर १४ गते ललितपुरको महालक्ष्मीस्थान स्थित कसमस कलेज अफ म्यानेजमेन्ट एण्ड टेक्नोलोजीको बिबिए संकायमा अध्ययनरत विद्यार्थीहरुको लागि लगानीसम्बन्धी जनचेतनामूलक र अन्तरक्रिया कार्यक्रम आयोजना गरेको हो।
क्यापिटलका अनुसार एनएमबि सरल बचत फण्ड – इ का स्कीम व्यवस्थापक प्रतिल कोजू र स्कीम सहायक लचना शाक्यले संयुक्त रुपमा उक्त कार्यक्रम सञ्चालन गरेका थिए । सहभागीहरुलाई पूँजी बजारका विभिन्न पक्ष, गतिविधिहरुबारे जानकारी गराउँदै कार्यक्रमपछि सहभागीहरुबाट सोधिएका विभिन्न जिज्ञासाहरुको सम्बोधन गरिएको क्यापिटलले जनाएको छ ।
आगामी दिनहरुमा पनि देशका विभिन्न ठाउँहरुमा यस्ता कार्यक्रमहरुलाई निरन्तरता दिने क्यापिटलले उल्लेख गरेको छ।
