.gif)
मधेश प्रदेशका जिल्लामा घरजग्गा रजिष्ट्रेशनमा उल्लेख्य गिरावट आएको छ । नेपाल राष्ट्र बैंकले गरेको उक्त प्रदेशको प्रादेशिक आर्थिक गतिविधि अध्ययन वार्षिक प्रतिवेदन २०७९/८० ले यस्तो देखाएको हो ।
प्रतिवेदन अनुसार समीक्षा वर्षमा मधेश प्रदेशको समग्र घरजग्गा रजिष्ट्रेशन संख्यामा ७५.२७ प्रतिशतले ह्रास आई १ लाख १० हजार ८६७ पुगेको छ । गत वर्षको सोही वर्षमा यस्तो संख्यामा १७.११ प्रतिशतले वृद्धि भएको थियो ।
यसअवधिमा घर जग्गा रजिष्ट्रेशन राजस्व रकम २६.६ प्रतिशतले वृद्धि भई ४५ अर्ब ६९ करोड रुपैयाँ संकलन भएको छ । गत वर्षको सोही अवधीमा यस्तो रकम ३३.२२ प्रतिशतले ह्रास आई .३६ अर्ब ७ करोड रुपैयाँ मात्रै संकलन भएको थियो ।
त्यस्तै यसअवधिमा नक्शा पासको संख्यामा समेत कमी आएको छ । अध्ययन प्रतिवेदन अनुसार नक्शा पास स्वीकृत संख्यामा १४.३० प्रतिशतले घटेर ३ हजार ६ सय ९२ रहन गएको छ । गत वर्षको सोही अवधीमा यस्तो संख्या ४ हजार १ सय ३ रहेको थियो ।
.gif)
