काठमाडौंको न्युरोडमा सामसङ स्मार्टफोन क्याफे फेरि सुरु भएको छ । नेपालको लागि सामसङको आधिकारिक बिक्रेता आइएमइस क्याफे फेरि सुचारु गरेको हो ।
ग्राहकहरुलाई विश्वस्तरीय सपिङ्गको अनुभव प्रदान गर्न स्टोरमा आधुनिक सुविधा तथा संरचनाहरुको राख्ने उद्देश्यले मर्मत चलिरहेको थियो ।
ब्राण्ड शपको अनावरण आइएमएस ग्रुपका अध्यक्ष दिपक मल्होत्रासँगै कम्पनीका प्रमुख कार्यकारी अध्यक्ष दिकेश मल्होत्राले गरे ।
अनावरण कार्यक्रममा अध्यक्ष दिपक मल्होत्राले ग्राहकहरुलाई उत्कृष्ट अनुभव सबैभन्दा अनुकुल स्थानहरुमा प्रदान गर्ने उद्देश्य रहेको बताए । यसै उपलक्ष्यमा ग्राहकहरुलाई थप सुविधा पस्कन र शोरुम पुनः सुरु भएको उत्सवमा कम्पनीले मंसिर २९ सम्म सामसुङ मोबाइल फोनको खरिदमा ६ जीबीको डाटा कार्ड निःशुल्क प्रदान गर्ने भएको छ ।
नेपालभरि सामसङका २१ वटा आधिकारिक शोरुम रहेका छन् ।