काभ्रेमा आइतबार बिहान भएको सवारी दुर्घटनामा २ जनाको मृत्यु भएको छ भने अन्य ९ जना घाइते भएका छन् । बिहान करिब ५:४५ बजे तिर टिपरले टाटासुमोलाई ठक्कर दिँदा टाटासुमोमा सवार २ जनाको मृत्यु भएको हो ।
तस्बिरः मधुसुधन गुरागाई
झापाबाट काठमाडौं आउदै गरेको मे १ ज २१९१ को जीपलाई बा ४ ख ३५५६ नम्बरको टिपरले ठक्कर दिँदा जीप अनियन्त्रित हुदै खेतमा खसेको थियो ।
काभ्रेका प्रहरी प्रमुख एसपी नहकुल थापाका अनुसार १ जनाको घटनास्थलमै र अर्को एक जनाको उपचारको क्रममा बनेपाको शिर मेमोरियल अस्पतालमा मृत्यु भएको हो । टाटासुमोमा चालक सहित ११ जना सवार थिए ।
मृत्यु हुनेमा झापाका निलम कार्की र मोरङका मदन श्रेष्ठ रहेका छन् ।