साताको पहिलो दिन आइतबार बजार परिसूचक नेप्से सामान्य अंकले बढेको छ। नेप्सेमा उलेख्य सुधार नभए पनि अघिल्लो दिनको तुलनामा कारोबार रकम भने बढेको छ ।
आइतबारकोकारोबारमा नेप्से १.२३ अंकले बढेर १५३१.३५ को उचाईमा पुगेको छ भने ६२ करोड २० लाख रुपैयाँको कारोबार भएको छ। बैंकिंग, हाइड्रो, इन्स्योरेन्स, विकास बैंकका सूचक घटेका छन् ।
आइतबारको कारोबारमा सबै भन्दा बढी एभरेष्ट बैंकको १५ करोड ३४ लाख रुपैयाँको कारोबार भएको छ। एभरेष्ट बैंकको बुक क्लोज मिति नजिकिदै गर्दा एभरेस्टमा लगानीकर्ता आकर्षण बढेको हो । एभरेस्टले पुस २३ गते साधारणसभाका बोलाएको छ र त्यसका लागि पुस ६ गते सेयरधनी दर्ता किताब बन्द हुने जनाएको छ । पुस ५ गतेसम्म शेयर किन्नेले एभरेस्टले प्रस्ताव गरेको ७० प्रतिशत बोनस पाउने हुनाले एभरेस्टको कारोबार उच्च भएको हो ।
अन्य बढी कारोबार हुने कम्पनीहरुमा नेपाल लाइफ इन्स्योरेन्स, बैंक अफ काठमाडौँ लुम्बिनी, सिद्दार्थ बैंक , शिखर इन्स्योरेन्स रहेका छन् ।
आइतबारको कारोबारमा बढी कमाउनेमा अप्लाइन डेभलपमेन्ट बैंक, एनबी इन्स्योरेन्स, सप्तकोशी डेभलपमेन्ट बैंक, रिलायबल माइक्रोफाइनान्स वित्तीय संस्था, नागबेली लघु बित्ता विकास बैंक रहेका छन् । आज अप्लाइन डेभलपमेन्ट बैंक र एनबी इन्स्योरेन्स कम्पनीका सेयर मूल्य १० प्रतिशतले बढेको छ।
त्यस्तै आइतबारको कारोबारमा गुमाउनेमा प्रोग्रेशिभ फाइनान्स , वोमी माइक्रोफाइनान्स, १स्त माइक्रोफाइनान्स डेभलपमेन्ट बैंक, जानकी फाइनान्स, कर्णाली डेभलपमेन्ट बैंक रहेका छन् ।