अल्पाइन डेभलपमेन्ट बैंकले ३:२.०८ को अनुपातमा अर्थात् ६९.३३ प्रतिशत हकप्रद प्रस्ताव गरेको छ । बैंकको आइतबार बसेको संचालक समितिको बैठकले आफ्ना लगानीकर्तालाई ६९.३३ प्रतिशत हकप्रद बिक्रि गर्ने प्रस्ताव गरेको नेप्सेले जनाएको छ।
बैंकको आगामी साधारण सभाले उक्त प्रस्ताव पारित गरेपछि र निमायक निकायले अनुमति दिएपछि बिक्री खुला हुने छ ।
तीन जिल्ला मात्रै कार्य क्षेत्र भएका यस बैंकले चुक्ता पूँजी २०७४ असारसम्ममा ५० करोड पुर्याउनु पर्छ । बैंकको मकवानपुरमा ६, चितवनमा ४ र काभ्रेमा ४ शाखा संचालनमा छन् भने प्रमुख कार्यालय मकवानपुरको हेटौडामा छ ।
बैंकले गत श्रावणमा ३:२.०८ को अनुपातमा ८ लाख २० हजार कित्ता हकप्रद शेयर बिक्री गरेको थियो । ३:२.८ अनुपातमा हकप्रद बिक्री, अघिल्लो बर्षको मुनाफाबाट २३ प्रतिशत बोनस र हकप्रदमा नबिकेको सेयर लीलामीपछि बैंकको पूँजी २२ करोड ७१ लाख पुगेको छ ।
पुन हकप्रद बिक्रीपछि चुक्ता पुंजी ४४ करोड रुपैयाँ पुग्ने छ भने चालु आर्थिक बर्षको बोनस पछि ५० करोड पूँजी पुर्याउने बैंकको योजना छ ।
यस्तो छ क्यापिटल प्लान