कपिलवस्तु भन्सारमा भारतीय सीमाबाट नेपाल तर्फको भू भागमा गोली प्रहार भएको छ । कपिलवस्तुको कृष्णनगर नगरपालिकाको झण्डिनगरमा नेपाल प्रहरीका दुई हवल्दारमाथि गोली प्रहार भएको हो ।
गोली लागेर कर्णबहादुर पुन र मोहन श्रेष्ठ घाइते भएका छन् । पुनको दाहिने पाखुरा र श्रेष्ठको हातमा गोली लागेको छ । भारतीय सीमा तर्फबाट गोली प्रहर भएको र तीन राउण्ड फायरको आवाज सुनिएको स्थानीयले बताएका छन् ।
तस्करहरुले गोली प्रहार गरेको प्रहरीको अनुमान छ । घटनाको थप अनुसन्धान भई रहेको प्रहरीले जनाएको छ ।