प्रमूख तीन दल नेपाली कांग्रेस, नेकपा (एमाले) र नेकपा (माओवादी केन्द्र) का प्रमूख नेताहरुको बैठक निष्कर्षबिहिन भएको छ ।
सिंहदरबारमा आज बिहान बसेको बैठकमा दलहरुले आआफ्नो अडान नछोडेका कारण बैठक निस्कर्षबिहिन भएको हो ।
बैठकले सहमति खोज्न बार्तालाई जारी राख्ने सहमति भने गरेको छ । साथै सकारात्मक सम्वाद चलिरहेकाले तत्काल नै संशोधनलाई बलपूर्वक टेबल भने नगरिने भएको छ ।
समसामयिक राजनीतिक विषयमा सहमति खोज्न प्रधानमन्त्री पुष्पकमल दाहाल प्रचण्डले आब्हान गरेको बैठकमा माओवादी केन्द्रबाट प्रधानमन्त्री प्रचण्ड र नारायणकाजी श्रेष्ठ, नेपाली कांग्रेसबाट शेरबहादुर देउवा र रामचन्द्र पौडेल, नेकपा (एमाले) बाट केपी शर्मा ओली र बामदेव गौतम सहभागी थिए।
बैठकले संविधान संशोधन विधेयक, निर्वाचन सम्बन्धी विधेयक र अख्तियार प्रमुख लोकमानसिंह कार्की विरुद्धको महाअभियोग प्रस्ताव समितिमा पठाउने बारेमा छलफल भएको प्रधानमन्त्री प्रचण्डको सचिवालयले बताएको छ ।
यो पनि : संसद बैठकमा संशोधन प्रस्ताव टेबुल गर्ने कार्यसूची, के छ सत्तापक्षी, बिपक्षी र सभामुखको तयारी