.gif)
उर्जामन्त्री जनार्दन शर्मा सहभागी एक कार्यक्रम हिंसात्मक बनेको छ । अर्घाखाँची महोत्सवको उद्घाटन गर्न काठमाडौंबाट अर्घाखाँचीको सदरमुकाम सन्धिखर्क पुगेका उर्जामन्त्री जनार्दन शर्मा सहभागी कार्यक्रममा ढुंगामुढा भएको हो । ढुंगामुढामा मन्त्री शर्मा सकुशल रहेपनि अर्घाखाँचीका पूर्व सांसद तथा माओबादी केन्द्रका पोलिटब्यूरो सदस्य डिलाराम आचार्य घाइते भएका छन् ।
आचार्यले प्रदेश नम्बर पाँच टुक्राउँदा जनता र राष्ट्रको हित हुने भाषण गरेपछि उनीमाथि स्थानीयले आक्रमण गरका हुन् । आक्रोशित भिडले ढुंगामुडा गर्दा आचार्य घाइते भएका हुन्।ढुंगामुडापछि कार्यक्रम स्थगित भएको छ । कार्यक्रमलाई मन्त्री शर्माले सम्बोधन गर्ने कार्यक्रम रहेपनि उनले सम्बोधन गर्न भने पाएनन् ।
सरकारले ५ नम्बर प्रदेश टुक्र्याउने गरी संविधान संशोधन प्रस्ताव ल्याएपछि गुल्मी, अर्घाखाँची, पाल्पालगायतका स्थानीय आन्दोलित छन् ।
.gif)
