उपप्रधान तथा गृहमन्त्री विमलेन्द्र निधिले पुनःनिर्माणको कामलाई तीव्रता दिनकै लागि राष्ट्रिय पुनःनिर्माण प्राधिकरणमा नयाँ प्रमुख कार्यकारी अधिकृत परिवर्तन गरिएको बताएका छन् । १९ औ भूकम्प स्मृति दिवस’का अवसरमा काठमाडौँ महानगरपालिकाले आयोजना गरेको श्रद्धाञ्जलि सभालाई सम्बोधन गर्दै उनले प्राधिकरणमा नयाँ प्रमुख कार्यकारी अधिकृत नियुक्त भएसंगै पुनःनिर्माणको कामले तिब्रता पाउने विश्वास व्यक्त गरे ।
हाल कार्यबाहक प्रधानमन्त्रीको समेत जिम्मेवारी सम्हालेका निधिले भूकम्पबाट जोगिनका लागि जनचेतनामूलक कार्यक्रम आवश्यक रहेको औँल्याए ।
आज देशभरि नै ‘भूकम्पपीडितको सुरक्षाको आधार, भुइँचालो थाम्ने घर र पूर्वाधार’ भन्ने नाराका साथ १९औँ भूकम्प स्मृति दिवस मनाइँदै छ । सरकारले विसं १९९० माघ २ गते महाभूकम्प गएको सम्झनामा यस दिनलाई भूकम्प स्मृति दिवस मनाउँदै आएको छ ।