कमल थापा र विजय कुमार गच्छदारलाई उपप्रधानमन्त्री पद दिएर सरकार विस्तार हुने चर्चा चलिरहेकै बेला सूचना तथा संचारमन्त्री सुरेन्द्र कार्कीले तत्काल सरकार विस्तार नहुने बताएका छन् । सरकारका प्रबक्ता समेत रहेका कार्कीले बिराटनगर विमानस्थलमा आज सञ्चारकर्मीसंग कुराकानी गदै सरकार पुनर्गठन हुने संभावना नरहेको दाबी गरेका हुन् ।
उनले तत्काल निर्बाचनको मिति घोषणा नहुने समेत बताए । उनले सबै दलहरुको सहमतिपछि कसैलाई आहत नहुने गरी मात्र निर्बाचनको मिति घोषणा हुने बताए ।
तर उनले निर्वाचन जेठमा हुने संभावना रहेको बताउदै निर्वाचनको लागि आवश्यक सम्पूर्ण तयारी भइरहेको जानकारी दिए । साथै उनले संविधान संशोधन विधेयक सीमांकनबाहेक परिमार्जनसहित पारित हुने दाबी गरे ।