.gif)
सरकारले भक्तपुरको जगातीमा यातायात कार्यालय सञ्चालनमा ल्याएको छ । सरकारले दिएको निर्देशन अनुरुप यातायात ब्यबस्था बिभागले कार्यालय थप गरेको हो ।बिभागले यस अघि काठमाडौंको स्वयम्भूस्थित सानो भ¥याङमा पनि यातायात कार्यालय खोली लाईसेन्स वितरणको काम सुरु गरिसकेको छ ।
जगाती कार्यालयको आज भौतिक पूर्वाधार तथा यातायात मन्त्री रमेश लेखकले उद्घाटन गरेका हुन् । कार्यलयले लाइसेन्सको फारम भर्ने, नवीकरण गर्ने र विदेशमा बनेको लाइसेन्सको नेपालीकरण गर्ने कार्य गर्ने छ ।
हाल कार्यालयमा ट्रायल सेन्टर भने छैन । ट्रायल सेन्टरको टुंगो नलागेकाले तत्काल त्यहाँबाट लाइसेन्स वितरण भने हुने छैन । मन्त्री लेखकले केही समय भित्रै ट्रायल सेन्टरको पनि व्यवस्था गर्ने घोषणा गरेका छन् । यातायात कार्यालय जगातीका प्रमुख अनोजकुमार घिमिरेले यहि महिना भित्रमा ट्रायल सेन्टरको समेत ब्यबस्था गरी समपूर्ण कार्य गरिने बताए ।
त्यहाँबाट लाइसेन्स वितरण थालेपछि काठमाडौं उपत्यकाको मध्य पूर्वका जिल्लाहरुका सर्वसाधारणलाई लाइसेन्स लिन अब राजधानी धाउनु पर्ने बाध्यता अन्त्य हुने छ ।
काठमाडौंको चाबहिलमा पनि छिट्टै कार्यालयमा सञ्चालनमा ल्याउने बिभागको तयारी छ ।
कार्यालय विस्तार अघि ललितपुरको एकान्तकुनाबाट मात्रै लाइसेन्स दिने व्यवस्था थियो।
.gif)
