एमाले समर्थित पत्रकारहरुको संगठन प्रेस चौतारी नेपालले प्रदेश नं. ३ संगठन कमिटी गठन गरेको छ ।
सोमबार बसेको संगठनको बैठकले विश्वमणि सुवेदीको संयोजकत्वमामा ४७ सदस्यीय कमिटी गठन गरेको हो । सुबेदी केन्द्रीय कमिटी उपाध्यक्ष तथा प्रदेश इञ्चार्ज समेत हुन् ।
संगठनको सचिवमा शुरोजंग पाण्डे चयन भएका छन् ।
बैठकले साङ्गठनिक सुदृढीकरण र समसामयिक स्थितिका सम्बन्धमा आगामी दुई महिनाभित्र मुलुकका सातै प्रदेशमा भेला आयोजना गर्ने निर्णय पनि गरेको छ । भेलाहरु यही माघ २२ गतेदेखि आगामी फागुन २ गतेसम्म हुने छन् ।
भेला माघ २२ गते प्रदेश नं ४ को पोखरा, २३ गते प्रदेश ५ को दाङ, २४ गते प्रदेश ७ को टीकापुर, २५ गते प्रदेश ६ को सुर्खेत, २७ गते प्रदेश २ को वीरगन्ज, माघ २८ गते प्रदेश नं १ को इटहरी र फागुन २ गते प्रदेश नं ३ को ललितपुरमा आयोजना हुनेछन् ।