आसन्न चुनावको लागि सुरक्षाको कारण देखाउदै भारतले सीमामा नेपालीहरुमाथि कडाई गर्न थालेको छ । उत्तर प्रदेश राज्यमा हुने चुनावको लागि भारतले सीमा जोडिएका स्थानबाट भारत तर्फ जानेहरुलाई कडाई गर्न थालेको हो ।
सुरक्षा एजेन्सीले नेपालबाट आउने हरेक व्यक्तिको पुरै जाँच गर्न, उनीहरुको बायो डाटा लिएर सीमा चेक पोस्टमा राख्न र निगरानी बढाउँन सीमा सुरक्षा बल एसएसबीलाई निर्देशन दिएको छ।
साथै भारतले सीमामा निगरानीको लागि उच्चशक्तिको सीसीटीवी क्यामरा र चेकपोस्टमा बडी स्क्यानर पनि राख्ने भएको छ ।
उत्तर प्रदेशमा अर्को महिना देखि बिधान सभा चुनाव हुदै छ।