बुधबार मध्य इटालीमा एक घण्टामा ३ पटक ठुला भुकम्प महशुस भएका छन् । गत बर्ष ठुलो भूकम्प गएकै स्थानमा आज ति भूकम्प गएको बताईएको छ ।
स्थानीय समय अनुसार पहिलो भूकम्प १०:२५ मा गएको थियो जुन ५.३ म्याग्नेच्युडको थियो, त्यस्तै त्यसको ५० मिनेटपछि झन् ठुलो ५.७ म्याग्नेच्युडको भूकम्प महशुस भएको थियो । दोस्रो भूकम्प गएको १० मिनेट पुन: ५.३ म्याग्नेच्युडको भूकम्प महशुस भएको अन्तराष्ट्रिय संचार माध्यमहरुले जनाएका छन् । सबै भूकम्प जमिन भन्दा १० किमीबाट उत्पन्न भएका थिए ।
भूकम्पको धक्का १०० किलोमिटरको दुरीमा रहेको रोमसम्म पनि महशुस भएको र त्यहाँका रेल स्टेशन र बिद्यालय खाली गराईएका छन् । हाल सम्म भूकम्पको क्षतिबारे कुनै विवरण आएको छैन ।
गत अगस्त महिनामा त्यहि क्षेत्रमा ठुलो भूकम्प जाँदा ३०० जनाको मृत्यु भएको थियो । अझै भूकम्पआउन सक्ने भन्दै त्यहाँका बासिन्दालाई शतर्क रहन आग्रह गरिएको छ ।