चालु आर्थीक बर्षको दोस्रो त्रैमासमा करिब ७८ प्रतिशतले खुद मुनाफा बढाएको गरिमा विकास बैंकको २० प्रतिशत बोनस प्रस्ताव नेपाल राष्ट्र बैंकबाट स्वीकृत भएको छ । अब बैंकको साधारण सभाले पारित गरेपछि बैंकले आफ्ना लगानीकर्तालाई बोनस नितरण गर्ने छ ।
बोनस वितरणपछि बैंकले १०:७ को अनुपातमा अर्थात् ७० प्रतिशत हकप्रदपनि निस्काशन गर्ने नेप्सेले जनाएको छ । हकप्रद प्रस्ताव आगामी साधारण सभामा पेश हुने बैंकले जनाएको छ । साधारण सभाबाट हकप्रदको प्रस्ताव पारित भए पछि बैंकले धितोपत्र बोर्डसंग अनुमति लिनु पर्ने हुन्छ ।
बैंकले आगामी फागुन छ गते शुक्रबार साधारण सभा बोलाएको छ । साधारण सभा प्रयोजनका लागि बैंकको सेयरधनी पुस्तिका यहि माघ २१ गतेदेखि बन्द हुनेछ । अर्थात् बैंकको बोनस सुरक्षित गर्न चाहनेले माघ २० गतेसम्ममा सेयर किनिसक्नु पर्नेछ ।
बैंकले साधारणसभामा मर्जर तथा एक्विजिशनमा जानका लागि सञ्चालक समितिलाई अख्तियारी दिने प्रस्ताव पनि लैजाने भएको छ ।
यो पनि : निक्षेप संकलन र इपिएसमा लोभलाग्दो प्रगति गरि गरिमा बैंकले बढायो गरिमा