गृह मन्त्रालयले एक साथ ३९ प्रहरी वरिष्ठ उपरीक्षक (एसएसपी) को सरुवा गरेको छ। गृहमन्त्री बिमलेन्द्र निधि र नेपाल प्रहरीका महानिरीक्षक उपेन्द्रकान्त अर्यालबीच सरुवाका विषयमा सहमति भएपछि एसएपीहरुको सरुवा भएको हो ।
सरुवा हुनेमा काठमाडौँ र ललितपुरका प्रहरी प्रमुख र अपराध अनुसन्धान महाशाखामा रहेको चर्चा कमाएका सर्बेन्द्र खनाल पनि छन् । खनालले फुटबलको म्याच फिक्सिंग, सुन तस्करी, बिद्युत चोरीका गिरोह लगायतको कर्तुत पर्दाफास गरेका थिए ।
सरुवा संगै छवि जोशी काठमाडौं प्रहरी प्रमुख भएका छन् । यस अघि उनी धौलागीरी प्रहरी प्रमुख थिए । ललितपुर प्रहरी प्रमुखमा ठूले रार्इलार्इ ल्याइएको छ । त्यस्तै महानगरीय प्रहरी अपराध महाशाखा प्रमुख रहेका सर्वेन्द्र खनाल प्रहरी महानिरीक्षकको सचिवालयमा तानिएका छन् भने प्रहरी अपराध महाशाखामा दिनेश अमात्य आएका छन् ।
प्रहरी प्रशिक्षण प्रतिष्ठान चितवनमा रहेका एसएसपी रमेश खरेललार्इ प्रहरी हेडक्वार्टर युएन शाखामा सरूवा गरिएको छ । त्यस्तै शेरबहादुर वस्नेत केन्द्रीय अनुसन्धान ब्युरो, धिरु बस्न्त्यात लागू औषध नियन्त्रण ब्युरो काठमाडौंमा आएका छन् ।
महानगरीय प्रहरी परिसर ललितपुरबाट पिताम्बर अधिकारीलाई मञ्चल प्रहरी कार्यालय मेचीमा सरुवा गरिएको छ ।
हेर्नुस सुची