.gif)
सरकारले निर्बाचनको मिति तोक्ने बाटो खुला भएको छ । आज बसेको ब्यबस्थापिका संसद्को बैठकले बिधेयक पारित गरेपछि सरकारलाई निर्बाचनको लागि ढोका खुलेको हो ।
संसदले आज स्थानीय निर्वाचनसम्बन्धी विधेयक पास गरेको हो । यसअघि संसदले निर्वाचन आयोगको काम, कर्तव्य र अधिकारसम्बन्धी विधेयक, मतदाता नामावलीसम्बन्धी विधेयक र निर्वाचन (कसुर तथा सजाय) विधेयक पारित गरिसकेको छ ।
अब राजनीतिक दल सम्बन्धी विधेयक पारित हुन बाँकी छ । मत प्रतिशतका आधारमा राज्यबाट दलहरूलाई रकम दिने कि नदिने र ‘थ्रेसहोल्ड’का विषयमा उक्त विधेयकमा दलहरूबीच सहमति जुटन बाँकी छ ।
यसैबिच आज नै राष्ट्रपतिले २ बिधेयक प्रमाणीकरण गरेकी छिन् । राष्ट्रपतिले संविधानको धारा ११३ को उपधारा (२) बमोजिम निर्वाचन आयोग विधेयक, २०७३ र मतदाता नामावली विधेयक, २०७३ प्रमाणीकरण गरेकी हुन् ।
.gif)
