बिहीबार जनकपुरबाट पक्राउ परेका सिके राउत आज शुक्रबार अदालतमा उपस्थित गराइएको छ । राउतलाई जिल्ला अदालत सिराहामा उपस्थित गराईएकोमा अदालतले उनलाई १० दिन थुनामा राख्न म्याद दिएको छ ।
अब प्रहरीले सोहि अनुसार अनुसन्धान गरी राउतमाथी राज्य विरुद्धको संगठित अपराधमा मुद्धा चलाउने तयारी गरेको छ ।
सिराहा स्थायी घर भएका उनी जनकपुरमा कोठा भाडामा लिएर उनी त्यहाँ बस्दै अाएका थिए। जिल्ला प्रहरी कार्यालय सिराहाले पत्रमार्फत् सिके राउतलाई पक्राउ गरी सहयोग गरिदिन धनुषा प्रहरीलाई आग्रह गरेको थियो । आग्रहपछि राउतलाई धनुषा प्रहरीले जनकपुरमा रहेको उनको डेराबाट पक्राउ गरेको हो।
देश टुक्राउनु पर्छ भन्दै अभिव्यक्ति दिदै आएका र त्यसको लागि संगठन समेत चलाउँने व्यक्ति खुलमखुल्ला हिडेको र सरकार मुकदर्शक बनेको आरोप लागेकै बेला उनी प्रक्राउ परेका हुन् ।