.gif)
बिहीबारको मन्त्रिपरिषद्को आकष्मिक बैठक केहि समय मात्र बसेर सम्पन्न भएको छ । केहि मन्त्रीहरु बैठक स्थल पुग्नु अघि नै बैठक सकिई सकेको थियो । बैठकले २ महत्वपूर्ण निर्णय समेत गरेको छ ।
बैठकले सत्य निरुपण तथा मेलमिलाप आयोगको म्याद र वेपत्ता पारिएका व्यक्तिको छानविन आयोगको म्याद एक बर्ष थप्ने निर्णय गरेको छ । दुई वर्षका लागि गठन भएको आयोगको म्याद आजैबाट सकिदै थियो ।
आयोगले गर्नुपर्ने काम नसकिएकाले आयोगको अनुरोधमा सरकारले पुनः एक बर्षको म्याद थप्ने निर्णय गरेको हो ।
आज बस्ने बैठकले आईजीपी र राजदुत नियुक्तीबारे महत्वपूर्ण निर्णय गर्ने भनिएको भएपनी आईजीपी नियुक्तिबारे विवाद चर्कदा त्यस बिषयमा छलफल नै भएन ।
.gif)
