.gif)
साताको तेस्रो दिन मंगलबार बजार परिसूचक सामान्य अंकले घटेको छ भने अघिल्लो दिनको तुलनामा कारोबार रकम घटेको छ । सोमबार २ सातापछि बजार परिसूचक नेप्सेमा हरियाली देखिएको भएपनी मंगलबार त्यसले निरन्तरता पाउन सकेन ।
मंगलबार नेप्से ४.०१ अंकले घटेर १२७४.९७ को बिन्दुमा रोकिएको छ । आज कारोबारमा आएका १३७ कम्पनीका १० लाख ११ हजार ६ सय ८५ कित्ता सेयर खरिद बिक्रिबाट ४० करोड ४१ लाख रुपैयाँ बराबरको कारोबार भएको छ।
आजको कारोबारमा आएका सूचक मध्ये होटेल्स र डेभलपमेन्ट बैंक बाहेकका सूचक घटेका छन् ।
कारोबारमा आएका कम्पनीहरु मध्ये प्रभु बैंकको सबै भन्दा धेरै २ करोड ७२ लाख रुपैयाँको कारोबार भएको छ। अन्य बढी कारोबार हुने कम्पनीहरुमा नेपाल बंगलादेश बैंक , नेपाल इन्भेस्टमेन्ट बैंक, लक्ष्मी बैंक, शिखर इन्स्योरेन्स रहेका छन।
आजको कारोबारमा कमाउनेमा कालिका माइक्रोफाइनान्स डेभलपमेन्ट बैंक, सगरमाथा इन्स्योरेन्स , वोमी माइक्रोफाईनान्स, हाम्रो विकास बैंक, सप्तकोशी डेभलपमेन्ट बैंकका लगानीकर्ता रहेका छन् । आज कालिका माइक्रोफाइनान्स डेभलपमेन्ट बैंक, सगरमाथा इन्स्योरेन्स र वोमी माइक्रोफाईनान्सको शेयर मूल्य १० प्रतिशतले बढेको छ ।
त्यस्तै गुमाउनेमा दिब्यश्वरी हाइड्रो, नागबेली लघुबित्त, युनाइटेड इन्स्योरेन्स, सहारा विकास बैंक, डिप्रोक्स डेभलपमेन्ट बैंकका लगानीकर्ता रहेका छन।
.gif)
