.gif)
शिखर इन्स्योरेन्स कम्पनी लिमिटेडले फर्दर पब्लिक अफरिङ, एफपीओ निष्काशनको लागि प्रक्रिया अगाडी बढाएको छ । कम्पनीले १३ लाख ६२ हजार ७ सय ८१ कित्ता एफपिओ निष्काशनको अनुमति माग्दै नेपाल धितोपत्र बोर्डमा निवेदन दिएको हो।
बोर्डका अनुसार कम्पनीले फागुन २ मा निवेदन दिएको हो । एफपिओ निष्काशनको लागि एनआईबिएल क्यापिटल मार्केटस् बिक्रि प्रबन्धक तोकिएको छ ।
शिखर इन्स्योरेन्सले १ सय रुपैयाँ अंकित दरमा १५२० रुपैयाँ प्रिमियम मूल्य थप गरि प्रति कित्ता १६२० रुपैयाँमा एफपीओ निष्काशन गर्ने प्रस्ताब गरेको छ । कम्पनीको १२ औ बार्षिक साधारणसभाले एफपीओ निष्काशन गर्ने गरेको प्रस्ताबलाई कम्पनीको माघ १० मा बसेको संचालक समितिले पारित गरेको हो ।
कम्पनीले हाल कायम संस्थापक ७० र साधारण ३० प्रतिशत रहेको सेयर स्वामित्वलाई ६०:४० प्रतिशत बनाउन १३ लाख ६२ हजार ८ सय ८१ कित्ता नयाँ सेयर निष्काशन गर्न लागेको हो। प्रस्ताव गरेको एफपीओको मूल्य धितोपत्र बोर्डले स्वीकृत गर्ने क्रममा परिमार्जन हुन सक्ने कम्पनीले जनाएको छ।
एफपिओ हुनु पर्नेमा यस अघि अन्यथा भएकाले सच्चाईएको छ । यसबाट पाठक बर्गमा पर्न गएको असुविधा प्रति क्षमाप्राथी छौ । -सम्पादक
.gif)
