.gif)
साताको चौथो दिन बुधबार बजार परिसूचक नेप्से र कारोबार रकम दुवै बढेको छ । बुधबार नेप्से ४१ .८३ अंकले बढेर १३१६.८० को उचाईमा पुगेको छ । आज कारोबारमा आएका १४१ कम्पनीका १६ लाख १३ हजार ६ सय २९ कित्ता सेयर खरिद बिक्रिबाट ५२ करोड २ लाख रुपैयाँ बराबरको कारोबार भएको छ।
आजको कारोबारमा आएका सूचक मध्ये उत्पादन समुह बाहेकका सूचक बढेका छन् । बैंकिङ ३७, होटल ४९, विकास बैंक ४३, जलविद्युत ६६, फाइनान्स १२, बिमा ३८५ र अन्य समूह २ अंकले बढेका छन्।
कारोबारमा आएका कम्पनीहरु मध्ये नेपाल लाइफ इन्स्योरेन्सको सबै भन्दा धेरै ५ करोड ८७ लाख रुपैयाँको कारोबार भएको छ। एफपिओले समेत पाउने गरी नेपाल लाइफले लाभासं घोषणा गरेपछि लगानीकर्ता त्यसमा हौसिएर इन्स्योरेन्सको कारोबार बढेको बताईएको छ ।
अन्य बढी कारोबार हुने कम्पनीहरुमा प्रभु बैंक, बैंक अफ काठमाडौँ लिमिटेड, नेपाल बंगलादेश बैंक , एसियन लाइफ इन्स्योरेन्स कम्पनी रहेका छन।
आजको कारोबारमा धेरै कमाउनेमा एसियन लाइफ इन्स्योरेन्स , सानिमा माइ हाइड्रो, नेको इन्स्योरेन्स , सगरमाथा इन्स्योरेन्स , गुराँस लाइफ इन्स्योरेन्स लगायतका लगानीकर्ता रहेका छन् ।
त्यस्तै गुमाउनेमा दिब्यश्वरी हाइड्रो, सिर्जना फाइनान्स, युनाइटेड फाइनान्स, रिलायबल माइक्रोफाइनान्स, बोटलर्स नेपाल (तराई )का लगानीकर्ता रहेका छन् ।
राजनीतिक घटनाक्रमले लगानीकर्तामा उत्साह ल्याउदा नेप्से बढेको हो । ३ दलबिच निर्वाचन गराउने र फागुन ८ मा मिति घोषणा गर्ने सहमति, मोर्चालाई सहमतिमा ल्याउन प्रयास गर्ने लगायतका समाचारले लगानीकर्तामा उर्जा थप्दा बजारमा हरियाली छाएको हो ।
.gif)
