डडेलधुरामा भएको जिप दुर्घटनामा परी मृत्यु हुनेको संख्या ७ पुगेको छ । भागेश्वोरबाट सदरमुकाम आउंदै गरेको से १ ज ८३३ नम्बरको जिप अमरगढी नगरपालिका वडा नं. ३ ठूलो खोला भन्ने स्थानमा दुर्घटना हुँदा ५ जनाको घटनास्थल मै मृत्यु भएको थियो । अन्य १ जनाको उपचार क्रममा र अर्का एकको उपचारको लागि लैजादै गर्दा बाटो मै मृत्यु भएको प्रहरीले जनाएको छ ।
फाइल फोटो
घटनास्थल मै मृत्यु हुनेमा भागेश्वर गाविस–४ सतिगाउँका लक्ष्मण भट्ट र जयानन्द भट्ट, भागेश्वर–८ का गणेश सार्की, भागेश्वर –५ का नरपती पाण्डेय र कामदेव चटौत रहेका छन् । त्यस्तै भागेश्वर–७ का पदम मल्लको उपचारका क्रममा उप–क्षेत्रीय अस्पताल डडेल्धुरामा र दिवाकर पाण्डेयको उपचारका लागि अस्पताल ल्याउँदै गर्दा बाटोमै मृत्यु भएको प्रहरीले जनाएको छ ।
अन्य ५ जना घाइतेको उपक्षेत्रीय अस्पताल डडेल्धुरामा उपचार भई रहेको छ । जिप सडकबाट झण्डै डेढ सय मिटर तल खसेको छ ।