.gif)
आजको ब्यबस्थापिका संसद्को बैठकमा लामो समय देखि रोकिएको संविधान संशोधनमाथिको छलफल सुरु हुने भएको छ। आज बिहान सभामुख ओनसरी घर्तीको कार्यकक्षमा प्रधानमन्त्री पुष्पकमल दाहाल ‘प्रचण्ड’ र प्रमुख प्रतिपक्षी दल नेकपा एमालेका अध्यक्ष केपी शर्मा ओलीबिच संसदमा संविधान संशोधन प्रक्रिया अघि बढाउने सहमति भएको हो ।
आजैबाट संसद्को बैठक सञ्चालन हुने र संविधान संशोधनलगायत कार्यसूचीमा रहेका विषय प्रक्रियागत रुपमा अघि बढाउन प्रतिपक्षले सहयोग गर्ने सहमति भएको सभामुख घर्तीले बताइन् ।
यस अघि दुई दिन सम्म संसदको कार्यसूचीमा विवाद हुँदा संसद्को बैठक स्थगित भएको थियो। बिपक्षी दलले उक्त बिषयमा कार्यसूचीमा नराख्न आग्रह गर्दै आएको थियो भने सत्ता पक्ष राख्नु पर्ने आदानमा थियो ।
आजको बैठक अपरान्ह ३ बजेका बोलाइएको छ।
.gif)
