भोलि शुक्रबार कालिमाटी फलफूल तथा तरकारी बजार बन्द हुने भएको छ । बजार बन्द हुने भएकाले आज नै तरकारी खरिद बिक्रि गर्न बजार विकास समितिले आग्रह गरेको छ ।
२०६८ फागुन २० गते बजारमा भएको भीषण आगलागीमा ६ जनाको मृत्यु भएको थियो भने लाखौको क्षति भएको थियो । सोहि दिनको सम्झनामा हरेक बर्ष फागुन २० लाई कालो दिन मानेर बजार बन्द गरिँदै आएको छ । भवनमा समितिले हरेक वर्ष फागुन २० गते मृतआत्माको चीरशान्तिको कामना गर्दै पुजापाठ, रुद्रीपाठ गर्ने गरेको छ ।
त्यस आगलागीमा परी कालिमाटी फलफुल तथा तरकारी बजार विकास समितिका सुरक्षाकर्मी हीराबहादुर पुन, उनका तीन छोराछोरी, धादिङका पुजन मिजार र बाराका ओमप्रकाश जैसवालको मृत्यु भएको थियो ।
आगलागीकोपछि सुरु भएको बजार पुनर्निर्माणको काम लगभग पुरा भएको समितिले जनाएको छ ।