.gif)
अन्तरिक तथा बाह्य लगानी जुटाउन काठमाडौंमा दुईदिनसम्म चलेको अन्तर्राष्ट्रिय लगानी सम्मेलन सपन्न भएको छ । सम्मलेनमा नेपालको कुल बजेट भन्दा पनि बढीको लगानी प्रतिबद्दता आएको छ ।
उद्योग मन्त्रालय र लगानी बोर्डको संयुक्त आयोजना तथा राष्ट्रिय योजना आयोग र निजी क्षेत्रको सहयोगमा भएको सम्मेलनमा १३.५२ बिलियन डलर अर्थात् १४ खर्ब ४६ अर्ब बढीको लगानी प्रतिबद्दता आएको छ । नेपालको २०७३/७४ को बार्षिक बजेट १० खर्ब ४८ अर्ब थियो ।
विभिन्न देशबाट सहभागी २ सय ५० भन्दाबढी विदेशी लगानीकर्ताले नेपालका विभिन्न सम्भाब्य क्षेत्रमा लगानी गर्ने प्रतिवद्धता जनाएका हुन् । लगानी बोर्डका अनुसार उर्जा, यातायात, कृषि, पर्यटन र सूचना तथा प्रविधि लगायताका पुर्वाधार क्षेत्रमा लगानीका लागि प्रतिबद्धता आएको छ ।
सम्मेलनमा उद्योग मन्त्री नविन्द्र राज जोशीले आगामी ३ महिना भित्र एफडिआईमा देखिएका ३ प्रमुख समस्या हल गर्ने प्रतिबद्दता जनाउदै लगानीकर्ताको लगानी सुरक्षित हुने बिश्वास दिलाएका थिए ।
.gif)
