सत्तारुढ दल नेकपाका युवा र विद्यार्थी संगठनलेले एनसेलको सिम प्रयोग नगर्न प्रयोगकर्तालाई आग्रह गरेका छन् । युवासंघ अध्यक्ष रमेश कुमार पौडेल, वाईसीएलका अध्यक्ष रामप्रसाद सापकोटा, अनेरास्ववियु अध्यक्ष नविना लामा र अनेरास्ववियू (क्रान्तिकारी)का अध्यक्ष रञ्जित तामाङले बिहीबार संयुक्त विज्ञप्ति जारी गर्दै एनसेलको सिम कार्ड प्रयोग नगर्न अपिल गरेका हुन् ।
‘एनसेलले तिर्नुपर्ने कर नतिरेसम्म सिम प्रयोग नगर्न उनीहरुले आग्रह गरेका छन् । एनसेललाई २४ घण्टाभित्र कर तिर्न आग्रह गर्दै उनीहरुले यो समयसिमासम्म कर नतिरे थप दबावका कार्यक्रम घोषणा गर्ने चेतावनी दिएका छन् ।
तस्बिरः अनलाईन खबर