नेत्र विक्रम चन्द ‘विप्लव’ नेतृत्वको नेकपाले मंगलबार घोषणा गरेको नेपाल बन्दको क्रममा काभ्रेको विभिन्न स्थानमा बम फेला परेको छ । काभ्रेको धुलिखेल, बनेपा , पनौती , खोपासी लगायतका स्थानमा बम फेला परेको हो ।धुलिखेल नगरपालिकास्थित हस्पिटल चोक, पनौती नगरपालिको खोपासी जाने बाटो र पनौती बसपार्क चोकमा बम फेला परेको स्थानीयले बताएका छन् । नेपाली सेनाले सबै स्थानको बम डिस्पोज गरिसकेको छ । बन्दको प्रभाव काभ्रेमा पनि परेको छ । पसलहरु खुले पनि सवारीसाधन कम चलेका छन् ।
प्रहरीको गोलीबाट पार्टी जिल्ला इन्चार्ज कुमार पौडेल मारिएपछि त्यसको विरोधमा नेकपाले मंगलबार बन्द घोषणा गरेको हो ।
