फिफा विश्व वरियतामा नेपाल तीन स्थानमाथि उक्लिएको छ । विश्व फुटबलको नियमानकारी निकाय फिफाले बिहीबार सार्वजनिक गरेको नयाँ वरियता क्रममा नेपाल ३ स्थान माथि उक्लदै १६२ औं स्थानमा पुगेको हो ।
सार्क देशमा सबै भन्दा अगाडी भारत ९७ औं स्थानमा छ । त्यस्तै अफगानिस्तान ६ स्थान माथि उक्लदै १ सय ४२ औ स्थानमा छ ।
फिफा विश्व वरियतामा जर्मनी पहिलो र ब्राजिल दोस्रो स्थानमा कायमै छ भने बेल्जियम दुई स्थान माथि उक्लिएको छ । पोर्चुगल चौथो र अर्जेन्टिना पाँचौं स्थानमा छ ।