क्रिकेटमा एकै ओभरमा ६ छक्का प्रहार गरिएको सुन्नु भएको छ ? सानो तिनो घरेलु प्रतियोगितामा त भएकै होलान । तर बिश्वकपमा जस्तो उच्च स्तरीय प्रतियोगितामा भने कठिन नै हुन्छ । तर भारतीय टिममा खेलाडी युवराज सिंहले ११ बर्ष अगाडी आजकै दिनमा यसलाई सम्भव बनाईदिएका थिए ।
२००७ मा आज कै दिन अर्थात् १९ सेप्टेम्बरमा युवराज सिंहले टि २० बिश्वकपमा एकै ओभरमा ६ छक्का प्रहार गर्दै सिंगो बिश्वलाई चकित पारीदियेका हुन् । साउथ अफ्रीकामा भएको प्रतियोगितामा भारतले इंग्ल्यान्डविरूद्द खेल्दा सिंहले यस्तो इतिहास रचेका हुन् । समुह चरणको खेलमा भारतले टस जितेर ब्याटिंग सुरु गर्यो ।
सुरुवाती ब्याट्सम्यानहरुले राम्रो प्रदर्शन गरेपछि युवराज सिंहको ब्याटिंग गर्ने पालो १७ औ ओभरमा मात्र आयो । १६.४ ओभरमा भारतले ३ विकेटको क्षतिमा १५५ रन जोडेको थियो । त्यसपछि युवराज सिंह ब्याटिंग गर्ने आएका थिए । पहिलो बल उनले डट खेले भने दोस्रो बलमा चौका प्रहार गरे । १८ औ ओभरमा सिंहले २ सिंगल र २ चौका गरेर १० रन जोडे । युवराज सिंहको स्कोर ६ बलमा १४ रन पुगेको थियो । त्यसपछि १९ औ ओभरमा जे भयो सारा बिश्व चकित भयो । १९ औ ओभरमा युवराज सिंहले हरेक बलमा छक्का प्रहार गर्दै ६ बलमा ३६ रन जोडे । साथै उनले १२ बलमै अर्थ शतक पनि पुरा गरे । एकै ओभरमा ३६ रन दिने बलर भने इंग्ल्यान्डका स्टुवार्ड बोर्ड थिए ।
युवराज सिंह अन्तिम ओभरमा थप ८ रन जोड्दै १६ बलमा ५८ रन बनाएर आउट भए । यो खेल भारतले १८ रनले जितेको थियो ।
टि २० बिश्वकपमा एकै ओभरमा ६ छक्का प्रहार भएको त्यो नै पहिलो हो । एक दिवशय बिश्व कपमा भने साउथ अफ्रीकाका गिब्सले यस अघि नै यस्तो चमत्कार गरेका थिए ।
भारतले फाइनलमा पाकिस्तानलाई पराजित गर्दै यो प्रतियोगिता समेत जितेको थियो ।
हेर्नुस युवराज सिंहको त्यो रोमान्चक ब्याटिंग :