बिग ब्यास लिगमा नेपाली लेग स्पिनर सन्दिप लामिछाने आवद्द मेलबर्न स्टार्स उप बिजेता मै सिमित भएको छ । आज भएको फाइनल खेलमा मेलबर्न रेनेगेड्ससंग १३ रनले पराजित भएपछि स्टार्स उप बिजेता मै सिमित हुन् पुगेको हो ।
टस हारेर ब्याटिंग गरेको रेनेगेड्सले स्टार्सलाई १४६ रनको बिजयी लक्ष्य दिएको थियो । रेनेगेड्सले २० ओभरमा ५ विकेटको क्षतिमा १४५ रन जोडेको हो । खेलमा स्टार्सले कसिलो बलिंग गरेको थियो । जसमा सन्दिपले ४ ओभर बलिंग गर्दै केवल १६ रन खर्च गरेका छन् । यद्यपि उनले विकेट भने लिन सकेनन । सन्दिपले आफ्नो पहिलो ओभरमा २ रन, दोस्रोमा ६ रन, तेस्रोमा ३ रन र चौथोमा ६ रन खर्चेका हुन् । यसमा लेग बाईको रुपमा १ अतिरिक्त रन पनि समाबेश थियो ।
१४७ रनको बिजयी लक्ष्य लिएर मैदान उत्रेको स्टार्सले २० ओभरमा ७ विकेटको क्षतिमा १३२ रन मात्र जोड्न सक्यो । कुनै पनि विकेट नगुमाई १२.५ ओभरमा स्टार्सले ९३ रन जोडेको थियो । तर त्यसपछि ब्याटिंग कोल्याप्स भयो र १९ रन जोड्दा ७ विकेट गुमायो । ५ ब्याट्सम्यान दोहोरो अंकको रन बनाउन नसकी आउट भए । यस संगै रेनेगेड्सले पहिलो पटक उपाधि जित्न सफल भयो ।
प्रतियोगितामा सन्दिपले ८ खेलबाट ११ विकेट लिएका छन् । सन्दिपले यसै सिजन बिग व्यासमा डेब्यु गरेका हुन् । डेब्यु प्रतियोगितामै सन्दिपले फाइनल खेल्ने अवसर पाएका हुन् । अब सन्दिप पाकिस्तान सुअप्र लिग खेल्न युएई जाने छन् ।