साफ महिला फुटबल च्याम्पियनसिपको उपाधि भारतले जितेको छ । फाइनलमा नेपाललाई ३–१ गोल अन्तरले पारजित गर्दै भारतले भारतले ५औँ पटक उपाधि जितेको हो ।
आज भएको फाइनल खेलको पहिलो हाफ एक/एक को बराबरीमा सकिएपनि दोस्रो हाफको ६२औँ र ७७ औँ मिनेटमा भारतले गोल गरेको थियो ।
विराटनगरको सहिद रङ्गाशालामा भएको खेलको २४औं मिनेटमा भारतले पहिलो गोल गरेको थियो । भारतका लागि डालीमा छिब्बरले फ्रिकिकमार्फत पहिलो गोल गरेकी थिइन् । नेपालले ३३ औं मिनेटमा हेड गोल गर्दै सावित्रा भण्डारीले १–१ को बराबरी गरेकि थिइन् ।
आजको पराजयसँगै भारतलाई पराजित गर्दै उपाधि जितेर इतिहास रच्ने नेपालको सपना पूरा हुन सकेन ।