बन्दाबन्दी खुलेपछि ५० प्रतिशतले डाटा व्याक खपतमा बृद्धि भएको नेपाल टेलिकमले जनाएको छ । बन्दाबन्दीको समयमा ३० प्रतिशतले बृद्धि भएको डाटा प्याकमा हाल २० प्रतिशतले बृद्धि भएको छ ।
टेलिकमका प्रवक्ता राजेश जोशीका अनुसार डाटा प्याक खपतमा बृद्धि भएतापनि भ्वाइस प्याक तथा अन्तराष्ट्रिय कलमा सुधार भएको छैन । अन्तराष्ट्रिय तथा आन्तरिक कलमा हाल ४० प्रतिशतले गिरावट आएको छ । जसमा अन्तराष्ट्रिय कल आवत जावत २०/२० प्रतिशत रहेको छ ।
बन्दाबन्दीको समयमा ४० प्रतिशत गिरावट आएको भ्वाइस प्याकमा अझै सुधार हुन सकेको छैन । सरकारले बन्दाबन्दी खुलेको घोषणा गरेको एक महिना पुग्न लाग्दा भ्वाइस प्याकमा १० प्रतिशतले गिरावट आएको प्रवक्ता जोशी बताउँछन् ।