कास्कीको पोखरालाई देशकै पर्यटन राजधानी घोषणा गर्न लागिएको छ । गण्डकी प्रदेशको राजधानीसमेत रहेको पोखरालाई आज एक कार्यक्रम आयोजना गरेर मुलुककै पर्यटन राजधानी घोषणा गर्न लागिएको हो ।
कार्यक्रममा सहभागी हुन प्रधानमन्त्री पुष्पकमल दाहाल प्रचण्ड पोखरा पुगेका छन् । पोखरा महानगरपालिकाका मेयर धनराज आचार्यले महानगर, छिमेकी पालिकाहरु, पर्यटन सम्बद्ध विभिन्न सङ्घसंस्था तथा उद्योग वाणिज्य सङ्घको पहलमा पोखरालाई नेपालकै पर्यटन राजधानी घोषणा गर्न लागिएको जानकारी दिएका छन् ।
पोखराको पर्यटन क्षेत्रमा झण्डै ७ खर्ब लगानी भएको छ ।
पोखरामा ब्यापार व्यवसाय अब १ एक बजेसम्म सञ्चालन गर्न पाइनेछ । त्यसैगरी केही निश्चित व्यवसाय मापदण्ड पूरा गरेर २४ सै घण्टा खुला गर्न पाइने छ ।
गैराको चौतारादेखि चिप्लेढुङ्गा, महेन्द्रपुल, पृथ्वीचोक, नागढुङ्गा, मुस्ताङचोक, विरौटा, राष्ट्र बैंक चोक, ड्यामसाइड, लेकसाइड हुँदै हल्लन चोकसम्म व्यापार व्यवसाय २४ सै घण्टा खुला राख्ने निर्णय भएको छ ।
