काठमाडौं
महानगरपालिकाको प्रमुख (मेयर) पदमा मनोनयन दर्ता सुरु भएको छ । राष्ट्रिय यथार्थवादी
पार्टी नेपालको तर्फबाट आनन्दराज जोशीले मनोनयन दर्ता गराएका छन् ।
राष्ट्रिय
सभा गृहमा रहेको निर्वाचन अधिकृतको कार्यालयमा गएर उनले मनोनयन दर्ता गराएका हुन् । मनोनयन दर्तापछि संक्षिप्त प्रतिक्रिया दिँदै उनले आफ्नो उम्मेदवारी नराम्रा
उम्मेदवारलाई हराउन र राम्रालाई जिताउन मात्र भएको बताएका छन् ।
उनीपछि
स्वतन्त्रतर्फबाट राजन कार्कीले मेयर पदमा मनोनयन दर्ता गराएका छन् ।
यस्तै, पोखरा महानगरपालिकाको
मेयर पदमा गणेश पौडेलको पनि मनोनयन दर्ता भएको छ । उनी ‘अटेरी अभियान’मा आबद्ध छन्
। पाैडेल लेखक तथा स्तम्भकार पनि हुन् । मेयरमा विमलराज
कार्कीले पनि मनाेनयन दर्ता गरेका छन् ।