चालु आर्थिक वर्ष २०८०/०८१ को माघ महिनामा खाद्य ताथा पेय पदार्थको मूल्य वृद्धि भएको छ । समग्रह मूल्य वृद्धि घटेपनि खाद्यन्नको भने बढेको नेपाल राष्ट्र बैंकले जनाएको छ ।
गत आवको सोहि अवधिमा खाद्यन्नको मुद्रास्फीति ६.१९ प्रतिशत रहेको थियो । तर, चालु आवको माघ महिनामा यस्तो मुद्रास्फिती बढेर ६.५१ प्रतिशत कायम भएको छ ।
समग्र मुद्रास्फीति भने घटेको छ । गत आवको सोहि अवधिमा ७.८८ प्रतिशत रहेको मूल्यवृद्धि चालु आवको माघ महिनामा घटेर ५.०१ प्रतिशतमा झरेको छ ।
समीक्षा महिनामा गैर–खाद्य तथा सेवा समूहअन्तर्गत मनोरञ्जन तथा संस्कृति उप–समूहको वार्षिक बिन्दुगत मूल्य सूचकाङ्क १२.६१ प्रतिशत, विविध वस्तु तथा सेवाहरुको ९.१५ प्रतिशत र शिक्षाको ७.३१ प्रतिशतले बढेको छ भने यातायात उप–समूहको वार्षिक बिन्दुगत मूल्य सूचकाङ्क १.४१ प्रतिशतले घटेको छ ।
