नेष्डो समृद्ध लघुवित्त वित्तीय संस्थाले शत प्रतिशत लाभांश दिन सक्ने क्षमता रहेको बताएको छ । आईपिओ बाँडफाँड तथा अन्तरक्रिया कार्यक्रममा कम्पनीका प्रबन्ध संचालक विश्व प्रकाश प्रसाईंले कम्पनीको हालको वित्तीय अवस्था अनुसार कम्पनीले १०० प्रतिशत लाभांश दिन सक्ने क्षमतामा रहेको बताएका हुन् ।
सबै प्रोभिजन गर्दा पनि १०० प्रतिशत लाभांश दिन सकिने उनको भनाई थियो । यद्यपि उनले १०० प्रतिशत नै लाभांश दिने भन्ने निर्णय भने भईनसकेको बताए । उनले भने '१०० नै दिन्छौ भनेको होइन, १०० दिन सक्ने क्षमता मात्र रहेको छ भनेको हो, यसमा प्रष्ट हुनु होला' ।
उनले लघुवित्तको पुँजी सानो रहेको र सानो पुँजीमा लाभांश दिंदा प्रतिशतको आधारमा त्यो ठूलो जस्तो देखिने समेत बताएका छन् ।
हेर्नुस् भिडियो: