नेपाल नागरिक उड्डयन प्राधिकरणको प्रवक्तामा राजकुमार क्षेत्री चुनिएका छन् । हाल प्राधिकरणको उप–महानिर्देशक रहेका क्षेत्री विमानस्थल पूर्व प्रमुख समेत हुन् ।
उनी करिब दुई महिनाअघि मात्रै विमानस्थल प्रमुखबाट प्राधिकरण तानिएका थिए । प्राधिकरणमा गत फागुन १५ गतेदेखि प्रवक्ता पद रिक्त थियो । ताप्लेजुङ हेलिकोप्टर दुर्घटना परी निधन भएका वीरेन्द्रप्रसाद श्रेष्ठ गत फागुन १५ सम्म प्राधिकरणको प्रवक्ता थिए ।
