सुन चाँदीको भाउ ओरालो लाग्नेक्रम अझै रोकिएन । आज बुधबार पनि सुन चाँदीको भाउ घटेको छ । मंगलबार तोलाको ९७ हजार २ सय रुपैयाँमा कारोबार भएको छापावाला सुन आज ४ सय रुपैयाँले घटेर प्रतितोला ९६ हजार ८ सयमा झरेको छ । तेजावी सुनको मूल्य पनि प्रति तोला ४ सयले नै घटेर ९६ हजार ३ सय रुपैयाँमा आईपुगेको छ ।
आज चाँदीको भाउमा पनि १० रुपैयाँले घटेको छ । आज चाँदी प्रतितोला १३ सय १० रुपैयाँमा कारोबार भैरहेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ८२ हजार ९९० रुपैयाँ, प्रति १० ग्राम तेजावी सुनको मूल्य ८२ हजार ५६० र प्रति १० ग्राम चाँदीको मूल्य ११ सय २३ रुपैयाँ कायम गरेको छ ।