चीनले ताइवानलाई हतियार नबेच्न अमेरिकालाई चेतावनी दिएको छ । चीनको रक्षा मन्त्रालयले अमेरिकालाई ताइवानमा हतियार बेच्ने योजना फिर्ता गर्न अमेरिकालाई चेतावनी दिएको हो ।
चीनको रक्षा मन्त्रालयका प्रवक्ता रन क्वोछ्याङले अमेरिकालाई भने, ‘ताइवानलाई हतियार बेच्ने योजना तुरून्त फिर्ता लिन र ताइवानसँगको सैन्य सम्बन्ध रोक्न अमेरिकालाई अनुरोध गर्दछौं ।’ अमेरिकाले ८ बिलियन अमेरिकी डलर मूल्यका लडाकु जहाज ताइवानलाईै बेच्ने निर्णय गरेको थियो ।
लगत्तै चीनले दक्षिण चीन सागरका समुद्री तथा हवाई क्षेत्रमा अनाधिकृत रूपमा प्रवेश गरेर उत्तेजना फैलाउन खोजेको आरोप लगाएको छ । ‘ताइवानलाई हतियार बेच्ने कम्पनीमाथि हामीले दुई पटक प्रतिवन्ध लगाइसकेका छौँ, चीनलाई विभाजित गर्ने कुनै पनि प्रयास सफल हुनेछैन’ चीनले भनेको छ,‘चिनियाँ सेनाको शक्तिलाई कम आँक्नु खतरनाक हुनेछ ।’