सिडिएस एण्ड क्लियरिङ लिमिटेडले आगामी फागुन ११ गतेदेखि सी आश्वा पूर्ण रुपमा कार्यन्वयनमा आउने जनाईसकेको छ । यस अघि सिडिएसले माघ ९ गते 'सी आश्वा' प्रणाली अनिवार्य भएको जनाएको थियो । तर धितोपत्र बोर्डले यस प्रणालीलाई १ महिनापछि देखि मात्र पूर्ण कार्यन्वयनमा ल्याउन निर्देशन दिएपछि कार्यन्वयन मिति पछि धकेलिएको हो ।
आश्वा प्रणालीलाई थप ब्यबस्थित, सर्वसुलभ र चुस्त बनाउन 'सी आश्वा' प्रणाली पूर्ण रुपमा लागु गर्ने सिडिएस एण्ड क्लियरिङ लिमिटेडले 'सी आश्वा' प्रणाली लागु गर्न लागेको जनाएको हो ।
हालसम्म केवल २७ बैंक तथा वित्तीय संस्थाले सी आश्वाको अनुमति लिएका छन् । हाल बोर्डबाट अनुमती प्राप्त ६० भन्दा बढी बैंक तथा वित्तीय संस्थाहरुको करिव २५०० शाखाहरुबाट नेपालभरी आस्वा लागू भैरहेको छ । बा फागुन ११ पछि ति सबै सी आश्वामा परिणत हुने छन् । सिडिएसले यस अवधि भित्र नै सम्पूर्ण लगानीकर्तालाई आश्वा रजिस्ट्रेशन नम्बर सीआरएन लिई सक्न समेत अनुरोध गरेको छ ।
यो प्रणाली कार्यान्वयनमा आएसँगै अब घरमै बसेर आइपिओ, एफपिओ तथा हकप्रद शेयरमा आवेदन दिन सकिने भएको छ । यो प्रणालीले धितोपत्र बाँडफाँडको प्रक्रिया समेत छोटिने भएको छ । सिडिएसका प्रबक्ता सुरेश न्यौपानेका अनुसार यस प्रणाली पूर्ण रुपमा कार्यन्वयन भईसकेपछि धितोपत्रको सार्बजनिक निष्काशनको बन्द भएको भोली पटक नै धितोपत्र बाँडफाँड गर्न सकिन्छ । उनले भोलिपल्टै धितोपत्र बाँडफाँड गर्न सम्भव हुने भए पनि सिडिएसले कम्तिमा १ हप्ता भित्र धितोपत्र बाँडफाँड गर्ने लक्ष्य लिएको बताए ।
यो प्रणालीको प्रयोगले आवेदकको हितग्राही खाता आवेदन गर्नु पूर्व नै रुजु गरिने हुँदा कुनै पनि आवेदक हितग्राही खाता नमिलेको कारण बाँडफाँड प्रक्रियाबाट बञ्चित हुनु नपर्ने सिसडएसिले जनाएको छ । सि-आस्वामा एक पटक दर्ता भइसकेका लगानीकर्ताले घरमै बसेर इन्टरनेटको माध्यमबाट खरिद आवेदन दिन सक्नेछन । त्यस्तै बैंक तथा वित्तीय संस्थामा प्राप्त भएका आवेदन सम्बन्धि विवरण बिक्री प्रबन्धकलाई सफ्टवेयर मार्फत सोझै प्राप्त हुने छ ।
Registered Banks in C-ASBA:
S.No. | Bank Name | Bank Code |
---|---|---|
1 | Bank of Kathmandu Ltd. | 1101 |
2 | Excel Development Bank Ltd. | 7502 |
3 | Garima Bikas Bank Ltd. | 6601 |
4 | Global IME Bank Ltd. | 1901 |
5 | Goodwill Finance Ltd. | 9001 |
6 | Guheshwori Merchant Banking Finance Ltd. | 9915 |
7 | Janata Bank Nepal Ltd. | 2701 |
8 | Jebils Finance Ltd. | 9938 |
9 | Kumari Bank Ltd. | 1601 |
10 | Laxmi Bank Ltd. | 1701 |
11 | Machhapuchhre Bank Ltd. | 1501 |
12 | Mahalaxmi Bikas Bank Limited. | 9931 |
13 | Nabil Bank Ltd. | 401 |
14 | Nepal Bangladesh Bank Ltd. | 901 |
15 | Nepal Bank Ltd. | 101 |
16 | Nepal Credit & Commerce Bank Ltd. | 1201 |
17 | Nepal Investment Bank Ltd. | 501 |
18 | NIC Asia Bank Ltd. | 2301 |
19 | NMB Bank Ltd. | 2501 |
20 | Prabhu Bank Ltd. | 2601 |
21 | Rastriya Banijya Bank Ltd. | 201 |
22 | Sanima Bank Ltd. | 4501 |
23 | Siddhartha Bank Ltd. | 1801 |
24 | Srijana Finance Ltd. | 8201 |
25 | Sunrise Bank Ltd. | 2201 |
26 | Tinau Bikas Bank Ltd. | 7401 |
27 | United Finance Ltd. | 9801 |